'இனி பிளைட் ஓடாது..' ஓய்விற்கு சென்ற விமானி - பயணிகள் தவிப்பு

சென்னை விமான நிலையத்தில் ஏர் இந்தியா எக்ஸ்பிரஸ் விமானத்தின் விமானி ஓய்வு எடுக்கச் சென்றுவிட்டதால் பயணிகள் தவித்துவருகின்றனர். மோசமான வானிலை காரணமாக பெங்களூருவில் இருந்து சென்னைக்கு திருப்பிவிடப்பட்டது ஏர் இந்தியா விமானம். பணி நேரம் முடிந்து விமானி ஓய்வுக்குச் சென்றுவிட்டதால் பெங்களூரு செல்ல இருந்த 168 பயணிகள் சென்னை விமான நிலையத்தில் வெகுநேரமாக காத்திருக்கின்றனர். விமானியின் ஓய்வு நேரம் முடிந்த பிறகு இன்று மாலை விமானம் புறப்படும் என கூறப்படுகிறது.