வீட்டை உடைத்து திருட திட்டம் தீட்டிய ஐந்து பேர் கைது

சிவகங்கை மாவட்டம் மானாமதுரை அருகே உள்ள வேதியேந்தல் கிராமம் விளக்கு ரோட்டில் காவல் ஆய்வாளர் அலெக்ஸ் மார்ட்டின் தலைமையில் காவலர்கள் ‌ ரோந்து பணியில் ஈடுபட்டுக் கொண்டிருக்கும் பொழுது காவலர்களைப் பார்த்ததும் 5 பேர் ஓடி உள்ளனர். அவர்களை விரட்டி பிடித்து விசாரித்த போது அவர்களிடம் இருந்து இரண்டு அருவாள் , மிளகாய் பொடி, சுருக்கும் போடுவதற்கு கயிறு , உளி கையுறைகள், இரும்பு பைப், போன்ற ஆயுதங்கள் கைப்பற்றப்பட்டது.
தொடர்ந்து அவர்களிடம் காவல்துறையினர் விசாரணையை செய்ததில் ஒவ்வொருவரின் மீதும் மீது காவல் நிலையத்தில் மூன்று அல்லது நான்கு வழக்குகள் வழக்குகள் நிலுவையில் இருப்பது தெரிய வந்தது. அது மட்டுமல்லாமல் தங்கள் மீது இருக்கும் வழக்குகளை நடத்துவதற்காக வீட்டை உடைத்து திருடுவதற்கு திட்டம் தீட்டி இருப்பதும் தெரியவந்தது, இதனைத் தொடர்ந்து காவல்துறையினர் இந்த சதி திட்டத்தில் ஈடுபட்ட மானாமதுரை அருகே உள்ள முருகபாஞ்சான் கிராமத்தைச் சேர்ந்த பிரகாஷ் , தங்கமணி , ஆதிநாராயணன், மதன்குமார் அஜித் குமார் ஐந்து பேர் மீதும் காவல்துறையினர் வழக்கு பதிவு செய்து சிறையில் அடைத்தனர்.