அசாமில் இருந்து ரெயிலில் கடத்தி வந்த 7½ கிலோ கஞ்சா பறிமுதல்

அசாம் மாநிலம் திப்ருகாரில் இருந்து கன்னியாகுமரி செல்லும் எக்ஸ்பிரஸ் ரெயில் நேற்று(நவ.23) சேலம் ஜங்சன் ரெயில் நிலையத்துக்கு வந்தது. அப்போது போதைப்பொருள் தடுப்பு பிரிவு போலீஸ் இன்ஸ்பெக்டர் பாபு சுரேஷ்குமார் தலைமையில் போலீசார் ரெயிலில் ஏறி சோதனை நடத்தினர்.

இதில் முன்பதிவில்லா பெட்டியில் கேட்பாரற்று ஒரு பை கிடந்தது. அதை எடுத்து பார்த்த போது 7½ கிலோ கஞ்சா இருப்பது தெரியவந்தது. இதையடுத்து போலீசார், கஞ்சாவை பறிமுதல் செய்தனர். மேலும் கஞ்சாவை கடத்தி வந்த நபர் குறித்து போலீசார் விசாரணை நடத்தி வருகின்றனர்.