காற்றுடன் கூடிய பலத்த மழை
ராமநாதபுரம் நகர் மற்றும் அதன் சுற்றுவட்டார பகுதிகளில் காற்றுடன் கூடிய பலத்த மழை.! ராமநாதபுரம் நகர் பகுதிகளான கேணிக்கரை, சாலை தெரு, அரண்மனை, புதிய பேருந்து நிலையம், வண்டிக்கார தெரு, அச்சுந்தன் வயல் பேராவூர் உள்ளிட்ட பகுதிகளில் குளிர்ந்த காற்றுடன் கூடிய பலத்த மழை பெய்து வருகிறது. கடந்த சில தினங்களாக நிலவி வந்த வெப்பம் தணிந்து குளிர்ச்சி நிலவுவதால் பொதுமக்கள் மகிழ்ச்சி அடைந்துள்ளனர். இருந்த போதிலும் நாளை ஆயுத பூஜைய ஒட்டி பண்டிகை கால பொருட்கள் வாங்குவதற்கு மக்களின் வரத்து மழையின் காரணமாக குறைந்து இருப்பதால் வியாபாரிகள் கவலை அடைந்துள்ளனர். மேலும், ராமநாதபுரம் - ராமேசுவரம் தேசிய நெடுஞ்சாலை பட்டணம் காத்தானில் மழையில் முகப்பு விளக்கை எரியவிட்டபடி சென்ற வாகனங்கள். நகரின் பிரதான சாலையான அரசு மருத்துவமனை சாலையில் மழைநீர் குளம் போல தேங்கி போக்குவரத்துக்கு சிரமமாக இருந்தது.
