குஜராத்தில் பள்ளிகளுக்கு வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியுள்ளது. அகமதாபாத் பள்ளிகளுக்கு அனுப்பப்பட்ட மிரட்டல் மின்னஞ்சல்களில் பாகிஸ்தானின் தொடர்பைக் கண்டறிந்துள்ளதாக போலீஸார் அறிவித்துள்ளனர். வெடிகுண்டு மிரட்டல் கடிதம் வந்த சில நாட்களில் தான் இந்த விஷயம் வெளிச்சத்துக்கு வந்தது. இந்நிலையில், விசாரணையில் பாகிஸ்தானில் உள்ள ராணுவ கன்டோன்மென்ட்டுக்கும் தொடர்பு இருப்பது தெரியவந்தது. அந்த மின்னஞ்சல் அகமது ஜாவேத் என்ற பெயரில் பணிபுரியும் தோஹிக் லியாகத் என்பவருக்கு சொந்தமானது என அடையாளம் காணப்பட்டது.