பள்ளியில் புகுந்த மழை நீர் மற்றும் மண் மாணவர்கள் அதிருப்தி

நீலகிரி மாவட்டம் குன்னூர் அருகே நேற்று இரவு கொட்டி தீர்த்த கனமழையால் ஊராட்சி ஒன்றிய தொடக்கப் பள்ளியில் மழைநீர் மற்றும் மண் புகுந்து சேதம் ஆனது.

நேற்றைய தினம் இரவு குன்னூர் சுற்றுவட்டார பகுதிகளில் அதிக கன மழை பெய்தது இதனை தொடர்ந்து பல இடங்களில் மரங்கள் சாய்ந்தும் மண் சரிவு ஏற்பட்டும் பாதிப்புக்கு உள்ளானது இந்நிலையில் குன்னூர் மேட்டுப்பாளையம் தேசிய நெடுஞ்சாலையில் உள்ள பரலியார் ஊராட்சி ஒன்றிய தொடக்கப்பள்ளியில் மழை நீர் மற்றும் மண் புகுந்து பள்ளி முழுவதும் சேதமடைந்துள்ளது மேலும் கழிவுநீர் செல்லும் கால்வாயில் பாறைகள் புகுந்துள்ளது இதேபோல் கடந்த மாதம் எட்டாம் தேதி இதே பள்ளியில் மழை நீர் மற்றும் மண் புகுந்தது குறிப்பிடத்தக்கது இரவு நேரம் என்பதாலும் பள்ளி விடுமுறை என்பதாலும் அசம்பாவிதங்கள் எதுவும் ஏற்படாது தவிர்க்கப்பட்டது உடனடியாக பள்ளியை சீரமைத்து கொடுக்க அப்பகுதி பொதுமக்கள் கோரிக்கை விடுத்துள்ளனர்.