மெட்ரோவில் இளம்பெண்ணை ரகசியமாக படம்பிடித்த நபர் கைது

சென்னை விமான நிலையம் முதல் வண்ணாரப்பேட்டை செல்லும் மெட்ரோ ரயிலில், இளம்பெண் ஒருவர் பயணம் செய்துள்ளார். அவருக்கு எதிரே ஜெயகிருஷ்ணன் என்ற 50 வயது மதிக்கத்தக்க ஆண் ஒருவர் அமர்ந்து, இளம்பெண்ணை செல்போனில் ரகசியமாக படம் பிடித்துள்ளார். இதனைப் பார்த்து அதிர்ச்சியடைந்த அப்பெண், மெட்ரோவில் இருந்தபடியே 100 அவசர எண்ணில் புகார் அளித்தார். அதன் பேரில், தேனாம்பேட்டை போலீஸார் சம்பவ இடத்திற்கு சென்று அந்நபரை கைது செய்தனர்.