உசிலம்பட்டி: பூட்டியே கிடக்கும் எம்எல்ஏ அலுவலகம்.

மதுரை மாவட்டம் உசிலம்பட்டி சட்டமன்றத் தொகுதி உறுப்பினராக ஓபிஎஸ் ஆதரவாளரான பி. அய்யப்பன் செயல்பட்டு வருகிறார். இவரது எம்எல்ஏ அலுவலகம் உசிலம்பட்டியின் மையப்பகுதியான சந்தை பகுதியில் உள்ளது. கடந்த நாடாளுமன்ற தேர்தலுக்கு முன்பிருந்தே அலுவலகத்திற்கு உசிலம்பட்டி எம்எல்ஏ அய்யப்பன் வருவதில்லை எனவும், சுமார் எட்டு மாதங்களுக்கும் மேலாக பூட்டியே கிடக்கும் அலுவலகம் சமூக விரோதிகளின் கூடாரமாக மாறி வருவதாக கூறப்படுகிறது.
எம்எல்ஏவிடம் கோரிக்கை மனு அளிக்க வரும் பொதுமக்கள் அலுவலகம் பூட்டி கிடப்பதால் ஏமாற்றத்துடன் திரும்பி செல்வதாகவும், எம்எல்ஏ எங்கு சென்றார் என தெரியவில்லை என குற்றச்சாட்டு எழுந்துள்ளது.


இது குறித்து உசிலம்பட்டி எம்எல்ஏ – அய்யப்பனிடம் கேட்ட போது எம்எல்ஏ அலுவலகம் சிதிலமடைந்த நிலையில் உள்ளதால் புதிய கட்டிடம் கட்டும் வரை தனது வீட்டில் அலுவலகம் அமைத்து மக்களிடம் மனுக்களை பெற்று வருவதாகவும், புதிய கட்டிடம் அமைந்தவுடன் சாலை உள்ளிட்ட அடிப்படை பணிகளை செய்து கொடுக்க நடவடிக்கை எடுக்கப்படும் என தெரிவித்தார்.