அரசு தொடக்கப்பள்ளியில் குழந்தைகள் தின விழா.

கிருஷ்ணகிரி மாவட்டம் மத்தூர் ஒன்றியம் கெரிகேப்பள்ளி ஊராட்சி ஒன்றிய தொடக்கப்பள்ளியில் இந்தியாவின் முதல் பிரதமர் ஜவஹர்லால் நேரு அவர்களின் பிறந்த நாளை குழந்தைகள் தின விழாவை நவம்பர் 14 இன்று வெகு சிறப்பாக கொண்டாடப்பட்டது.
கிருஷ்ணகிரி மாவட்ட ஆட்சித் தலைவர் அவர்களின் குழந்தைகள் தின விழாவை முன்னிட்டு அனுப்பியுள்ள வாழ்த்துச் செய்தியினை மாணவர்களுக்கு வாசித்துக் காண்பிக்கப்பட்டது.
இந்த வாழ்த்து செய்தியில் மாணவர்களின் பாதுகாப்பு மற்றும் உரிமைகள் குறித்த விழிப்புணர்வு
போதை பழக்கத்திற்கு அடிமையாகாமல் இருப்பதற்கான விழிப்புணர்வு தன்னையும் பாதுகாத்துக் கொள்ளுதல் பிறரையும் பாதுகாத்தல் போன்ற விழிப்புணர்வு மிக முக்கியமாக குறிப்பிடப்பட்டிருந்தது நமது மாவட்டத்தை குழந்தைகள் பாதுகாப்பு மிகுந்த மாவட்டமாகவும் போதை பழக்கமில்லாத மாவட்டமாகவும் மாற்ற உறுதி ஏற்கப்பட்டது.
மேலும் ஜவஹர்லால் நேரு அவர்களுடைய வாழ்க்கை வரலாறு ஆவணப்படம் திரையிடப்பட்டு விளக்கம் அளிக்கப்பட்டது.
ஜவகர்லால் நேரு அவர்களின் வாழ்க்கை வரலாற்று குறிப்பு அடங்கிய தொகுப்பு புத்தகமும்
ஜவகர்லால் நேரு அவர்களின் முகமுடியும் இனிப்பும் மாணவர்களுக்கு வழங்கப்பட்டது.