சர்வதேச மகளிர் வாள்போட்டி; குமரி மாவட்ட மாணவி பங்கேற்பு

சர்வதேச மகளிர் வாள் விளையாட்டுப் போட்டிகள் வரும் 14, 15 ஆகிய தேதிகளில் டெல்லியில் நடைபெற உள்ளது. இதில் விளையாடும் இந்திய அணியில் கன்னியாகுமரி மாவட்டத்தை சேர்ந்த என். வி ஜெனிஷா என்பவர் தேர்வு செய்யப்பட்டுள்ளார். இந்த போட்டியில் அவருடன்  மேலும் 6 பேர் தமிழ்நாட்டிலிருந்து தேர்வாகியுள்ளனர்.

ஜெனிஷா 12-ம் வகுப்பு மாணவியாவார். மேலும் கன்னியாகுமரி மாவட்ட வாள் விளையாட்டு கழகம் சார்பில் ஆற்றூர் அருகே கல்லுப்பாலம் பகுதியில் உள்ள பயிற்சி மையத்தில் பயிற்சி பெற்றவர் என்பது குறிப்பிடத்தக்கதாகும். சர்வதேச போட்டியில் பங்கேற்கும் மாணவியை குமரி மாவட்ட வாள் விளையாட்டுக் கழக தலைவர் சிந்துகுமார், செயலாளர் அமிர்தராஜ், பயிற்சியாளர் செல்வகுமார் உட்பட பலர் பாராட்டி உள்ளனர்.