சர்வதேச பீடே செஸ் போட்டி: தமிழக வீரர் சாம்பியன்

வேளச்சேரியில் உள்ள குருநானக் கல்லூரியில் சர்வதேச பீடே ரேடட் செஸ் போட்டி நடைபெற்றது. 8 சுற்றுகளை கொண்ட இந்தப் போட்டியில் தமிழ்நாடு, ஆந்திரா, தெலுங்கானா, கேரளா, மராட்டியம், ஒடிசா மற்றும் அமெரிக்காவைச் சேர்ந்த 350 வீரர்கள் பங்கேற்றனர். இதில் தமிழக வீரர் ஏ.ஆர்.இளம்பர்தி சாம்பியன் பட்டம் பெற்றார். அவருக்கு ரூ.1 லட்சம் பரிசு தொகை வழங்கப்பட்டது. 2 முதல் 5-வது இடத்திற்கு முறையே ரூ. 75 ஆயிரம், ரூ. 60 ஆயிரம், ரூ. 50 ஆயிரம், ரூ. 40 ஆயிரம் வழங்கப்பட்டது.