ஈரோடு: கொடிவேரி அணை பவானி ஆற்றில் மூழ்கி கல்லூரி மாணவன் பலி

தீபாவளி பண்டிகையை முன்னிட்டு கொடிவேரி அணைக்கு குடும்பத்துடன் சுற்றுலா வந்த சிறுவன் பலியானது கொடிவேரி அணைக்கு சுற்றுலா வந்த சுற்றுலா பயணிகள் இடையே சோகத்தை ஏற்படுத்தியுள்ளது.

கோவை மாவட்டம் ஒண்டிபுதூரை சேர்ந்த அழகுராஜன் என்பவரது மகன் ஹரிராஜன் (20). இச்சிறுவன் கோவை பி. எஸ். சி கல்லூரியில் ஹோட்டல் மேனேஜ்மென்ட் என்ற பிரிவில் மூன்றாம் ஆண்டு படித்து வருகிறார். இந்நிலையில் குடும்பத்தினருடன் கொடிவேரி அணைக்கு சுற்றுலா வந்துள்ளார்.

கொடிவேரி அணை பவானியில் நேற்று (நவ.1) மதியம் சுமார் 1: 00 மணி அளவில் ஆற்றில் குளித்துக் கொண்டிருக்கும் போது ஆழமான பகுதிக்கு சென்றுள்ளார். இதனால் நீரில் மூழ்கியுள்ளார். குடும்பத்தினர் மற்றும் அக்கம்பத்தினர் சிறுவனை மீட்டு சத்தியமங்கலம் அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதுகுறித்து பங்களாபுதூர் போலீசார் விசாரிக்கின்றனர்.