நத்தம்: மஞ்ச நாயக்கன்பட்டியில் மலைப்பாம்பு கடித்து ஆடு பலி

திண்டுக்கல் மாவட்டம் நத்தம் பூசாரிபட்டியை சேர்ந்த பாலசுப்பிரமணி என்பதற்கு மஞ்ச நாயக்கன்பட்டியில் தோட்டம் உள்ளது அந்த தோட்டத்தில் பூசாரிபட்டியை சேர்ந்த பாலு என்பவர் அவரது 6 ஆடுகளை மேய்த்துக் கொண்டிருந்தார். அப்போது ஒரு ஆட்டுக்குட்டி திடீரென கத்தியுள்ளது. ஆட்டின் அலறல் சத்தம் கேட்டு பாலு ஓடிவந்து பார்த்தபோது சுமார் 12 அடி நீளமுள்ள மலைப்பாம்பு ஒன்று ஆட்டுக்குட்டியை கடித்துள்ளது. இது குறித்து நத்தம் தீயணைப்புத் துறையினருக்கு தகவல் தெரிவித்தார். இந்நிலையில் மலைப்பாம்பாள் கடிபட்ட ஆட்டுக்குட்டி பரிதாபமாக இறந்தது. தகவல் அறிந்து சம்பவ இடத்திற்கு வந்த நத்தம் தீயணைப்பு வீரர்கள் புதருக்குள் மறைந்திருந்த 12 அடி நீளமுள்ள மலைப்பாம்பை நீண்ட நேரம் போராடி பாம்பு பிடிக்கும் கருவி மூலம் லாவகமாக பிடித்து வனத்துறை வசம் ஒப்படைத்தனர். மலைப்பாம்பை பெற்றுக் கொண்ட வனத்துறையினர் அடர்ந்த வனப்பகுதிக்குள் விடுவித்தனர்.