பாலக்கோடு: டிராக்டர் மோதியதில் பள்ளத்தில் கவிழ்ந்த கார்

தர்மபுரி மாவட்டம் பாலக்கோடு அடுத்த ஜக்கச் முத்திரம் கிராமத்தை சேர்ந்தவர் வடிவேல் இவர் நேற்று மாலை ஜக்கசமுத்திரத்தில் இருந்து தர்மபுரி நோக்கி சொகுசு காரில் சென்று கொண்டிருந்தார். அப்போது, சிக்கார்தனஅள்ளியை சேர்ந்த பூவரசன் என்பவர் ஓட்டி வந்த டிராக்டர் சொகுசு கார் மீது மோதியது. இதில், கட்டுப்பாட்டை இழந்த கார், தடுப்பு சுவரை உடைத்துக் கொண்டு சாலையோரமுள்ள 5 அடி பள்ளத்தில் தலைகுப்புற கவிழ்ந்தது. இந்த சம்பவத்தில் பலத்த காயமடைந்த வடிவேலுவை அக்கம் பக்கத்தினர் மீட்டு பாலக்கோடு அரசு மருத் துவமனையில் சிகிச்சைக்காக சேர்த்தனர். விபத்து குறித்து பாலக்கோடு காவலர்கள் வழக்குப்பதிந்து விசாரித்து வருகின்றனர்.