தர்மபுரி: இலக்கியம்பட்டியில் சிறப்பு கிராம சபை கூட்டம்

தர்மபுரி இலக்கியம்பட்டி ஊராட்சியில் ஊராட்சி மன்ற அலுவலகத்தில் சிறப்பு கிராம சபை கூட்டம் ஊராட்சி மன்ற தலைவர் சுதா ரமேஷ் தலைமையில் நேற்று நடைபெற்றது மாவட்ட துணைத் தலைவர் வித்யா வெங்கடேஷ், ஊராட்சி செயலாளர் சரவணன் வார்டு உறுப்பினர்கள் சீனிவாசன் புவனேஸ்வரன் தமிழரசு கங்காதரன் இளங்கோவன் விஜயகுமார் ஆகியோர் கலந்து கொண்டனர்.

மேலும் கிராம ஊராட்சியில் சிறப்பாக பணிபுரிந்த ஊழியர்களை சிறப்பித்தல். கிராம ஊராட்சிகளில் தங்களை முழுமையாக ஈடுபடுத்தி சிறப்பாக சேவை புரிந்த தூய்மைக் காவலர்கள் உள்ளிட்ட தூய்மைப் பணியாளர்களுக்கு கிராமசபை மூலம் பாராட்டு தெரிவித்தனர். தாழ்வான மற்றும் மழைநீர் தேங்கக்கூடிய வாய்ப்புள்ள பகுதிகளை அடையாளங் கண்டு அவ்விடங்களில் மழைநீர் தடைபடாமல் செல்லும் வகையில் வழியேற்றுதல். புயல் பாதுகாப்பு மையங்களை முறையே சுத்தப்படுத்தி தயார் நிலையில் வைத்தல். புயல் பாதுகாப்பு மையல்களில் குடிநீர் வசதி, மின் விளக்கு வசதி, கழிப்பிட வசதி போன்றவற்றை முறையே பயன்படுத்திடும் வகையில் தயார் நிலையில் வைத்தல். உள்ளிட்ட கிராம சபை கூட்டத்தில் தீர்மானங்கள் நிறைவேற்றப்பட்டது.