சென்னை சூப்பர் கிங்ஸ் அணிக்கு பெரும் அதிர்ச்சி

ஐபிஎல் 2024 சீசன் தொடங்குவதற்கு முன்பு சிஎஸ்கே ஒரு பெரிய அதிர்ச்சியைப் பெற்றுள்ளது. அணியின் நட்சத்திர தொடக்க வீரரும், நியூசிலாந்து வீரருமான டெவான் கான்வே காயம் காரணமாக இந்த சீசனில் பங்கேற்கவில்லை என கூறப்படுகிறது. ஆஸ்திரேலியாவுக்கு எதிரான டி20 போட்டியில் கான்வேயின் இடது கட்டை விரலில் காயம் ஏற்பட்டு நடுவே மைதானத்தை விட்டு வெளியேறினார். சமீபகாலமாக அவருக்கு சிகிச்சை மேற்கொள்ளப்பட்ட போது குறைந்தது எட்டு வாரங்களாவது ஓய்வு தேவை என மருத்துவர்கள் பரிந்துரைத்துள்ளதாக தெரிவிக்கப்பட்டுள்ளது. இந்த சீசனில் அவர் விளையாட மாட்டார் என்று தெரிகிறது.