சென்னையில் ஆவின் பால் விற்பனை சரிவு

அரசு நிறுவனமான ஆவின், மக்களுக்குத் தேவையான பால், தயிர், நெய், ஐஸ்கிரீம் உள்ளிட்ட பொருட்களை தயாரித்து விற்பனை செய்து வருகிறது. சென்னையில் தினசரி ஆவின் பால் 14.50 லட்சம் லிட்டர் விற்பனையாகும். இந்த நிலையில், தீபாவளி பண்டிகை காரணமாக கடந்த 2 நாட்களில் 2 லட்சம் லிட்டர் என பால் விற்பனை குறைந்துள்ளதாக ஆவின் அதிகாரிகள் தெரிவித்துள்ளனர். பொதுமக்கள் தங்களது சொந்த ஊர்களுக்கு திரும்பியதால் பால் விற்பனை குறைந்திருக்கலாம் என கருதப்படுகிறது.