சென்னை விமான நிலையத்தில் 20 கிலோ தங்கம் பறிமுதல்

சென்னை விமான நிலையத்தில் 20 கிலோ தங்கம் பறிமுதல் செய்யப்பட்டுள்ளது. சிங்கப்பூரில் இருந்து சென்னைக்கு வந்த மூன்று விமானங்களில் ரூ.15 கோடி மதிப்புடைய 20 கிலோ தங்கம் கடத்தி வரப்பட்டுள்ளது. இதனை, சுங்கத்துறை அதிகாரிகள் பறிமுதல் செய்தனர். தொடர்ந்து, கடத்தலில் ஈடுபட்ட 8 பெண்கள் உள்பட 25 பேர் கைது செய்யப்பட்டுள்ளனர். அவர்கள் போலீசாரிடம் ஒப்படைக்கப்பட்ட நிலையில், கடத்தல் குறித்து விசாரணை நடத்தப்பட்டு வருகிறது.