కొత్తవలస పోలీసు స్టేషన్ ను సందర్శించిన టౌన్ డిఎస్పి

కొత్తవలస పోలీసు స్టేషన్ ను విజయనగరం టౌన్ డిఎస్పి ఎం.శ్రీనివాసరావు మంగళవారం సందర్శించారు. అనంతరం స్టేషన్లో కేసులు పురోగతిని అడిగి తెలుసుకున్నారు. తాత్కాలిక మందు గుండు సామగ్రి విక్రయ దుకాణదారులు తప్పనిసరిగా అనుమతులు తీసుకోవాలని తెలిపారు. ట్రాఫిక్ నియంత్రణపై ప్రత్యేక శ్రద్ధ వహించాలని కోరారు. స్టేషన్కు వచ్చిన ఫిర్యాదుదారులతో మర్యాదపూర్వకంగా నడుచుకోవాలని సూచించారు. సిఐ షణ్ముఖరావు తదితరులు పాల్గొన్నారు.