నెల్లిమర్ల: రెండున్నర కిలోల వెండి నాగాభరణం బహుకరణ

నెల్లిమర్ల మండలం కొత్తపేటలో వెలసిన శ్రీ మాంగళ్య గౌరీ సమేత చంద్రమౌలేశ్వర స్వామి ఆలయానికి భక్తులు ఆదివారం రెండున్నర కిలోల వెండి నాగాభరణాన్ని బహుకరించారు. ఇదే గ్రామానికి చెందిన మజ్జి సూర్యనారాయణ, పోలమ్మ దంపతుల జ్ఞాపకార్థం వారి కుటుంబ సభ్యులు ఈ నాగాభరణాన్ని అర్చకులు కామేశ్వర శర్మకు అందజేశారు. ఈ మేరకు నాగాభరణానికి, స్వామి అమ్మవార్లకు దాతలతో అర్చకులు ప్రత్యేక పూజలు నిర్వహించి ప్రసాదాన్ని వితరణ చేశారు.