ఉరవకొండ: సూర్య భగవానుడి ఆలయంలో ప్రత్యేక పూజలు

ఉరవకొండ మండలం బూదగవి గ్రామంలో ఎంతో ప్రసిద్ధి గాంచిన శ్రీ సూర్య నారాయణ స్వామి ఆలయంలో ఆదివారం సందర్భంగా ప్రత్యేక పూజలు నిర్వహించారు. ఉదయం నుంచి ప్రత్యేక అభిషేకాలు, పూజలు చేశారు. అనంతరం వివిధ రకాల పూలతో సూర్య భగవానుడిని ప్రత్యేకంగా అలంకరించారు. స్వామివారి దర్శనం కోసం చుట్టుపక్కల నుంచి భక్తులు తరలి వచ్చారు. భక్తులకు ఆలయ అర్చకులు తీర్థప్రసాదాలు అందించారు.