సోమందేపల్లి: శివాలయంలో కార్తీక మాసం పూజలు

సోమందేపల్లి మండల కేంద్రంలో శివాలయాల్లో కార్తీక మాసం మొదటి సోమవారం సందర్భంగా ప్రత్యేక పూజలు నిర్వహించారు. ఈ సందర్భంగా ఆలయంలో రుద్రాభిషేకం, పంచామృతాభిషేకం, పసుపు కుంకుమ అభిషేకం చేపట్టారు. అనంతరం విచ్చేసిన భక్తులకు స్వామివారి తీర్థ ప్రసాదాలను పంపిణీ చేశారు. మహిళలు ఆలయాల ప్రాంగణంలో దీపాలు వెలిగించి ప్రత్యేక పూజలు నిర్వహించడం జరిగింది. భక్తులు పెద్ద ఎత్తున స్వామి వారిని దర్శించుకున్నారు.