కళ్యాణదుర్గం: మల్లేశ్వరస్వామి ఆలయంలో ఘనంగా కార్తీక దీపోత్సవం

కంబదూరు మండల కేంద్రంలోని అతి పురాతనమైన శ్రీ కమల మల్లేశ్వరస్వామి ఆలయంలో సోమవారం రాత్రి భక్తులు కార్తీక దీపోత్సవాన్ని అత్యంత వైభవంగా నిర్వహించారు. కమల మల్లేశ్వరస్వామి ఆలయం భక్తులతో కిటకిటలాడింది. మహిళా భక్తులు కార్తీక దీపాలను వెలిగించి, మొక్కులను తీర్చుకున్నారు. భక్తులకు ఆలయ కమిటీ సభ్యులు తీర్థ ప్రసాదాలు అందించారు. ఆలయంలో ఆధ్యాత్మిక శోభ వెల్లివిరిసింది.