గుంతకల్లు: ప్రభుత్వ డిగ్రీ కళాశాలలో రేపు ఉద్యోగ మేళా

గుంతకల్లు స్థానిక ఎస్కేపీ ప్రభుత్వ డిగ్రీ కళాశాలలో ఈనెల 19న ఉద్యోగమేళాను నిర్వహిస్తున్నట్లు ప్రధానాచార్యుడు లక్ష్మయ్య ఆదివారం ఒక పత్రికా ప్రకటనలో తెలిపారు. ఆంద్రప్రదేశ్ నైపుణ్యాభివృద్ధి సంస్థ, కళాశాలకు చెందిన జవహర్ నాలెడ్జి కేంద్రం నిరుద్యోగ యువతీయువకుల కోసం మేళాను నిర్వహిస్తునట్లు ఆయన పేర్కొన్నారు. పదో తరగతి, ఇంటర్, ఐటీఐ, డిగ్రీ పూర్తి చేసి 35 ఏళ్ల లోపు వయసున్న వారు మేళాలో పాల్గొనడానికి అర్హులన్నారు.