ఏపీలోని పలు జిల్లాలకు రెడ్ అలర్ట్

ఏపీ ప్రజలను తుపాన్ దడపుట్టిస్తోంది. బంగాళాఖాతంలో ఏర్పడిన తీవ్ర వాయుగుండం ఇవాళ సాయంత్రానికి తుపానుగా మారనుందని వాతావరణ శాఖ అధికారులు తెలిపారు. ఈ క్రమంలో పలు జిల్లాలకు రెడ్ అలర్ట్ జారీ చేశారు. రేపు నెల్లూరు, తిరుపతి జిల్లాల్లో అత్యంత భారీ వర్షాలు కురిసే అవకాశం ఉందని తెలిపారు. రైతులు, మత్స్యకారులు అప్రమత్తంగా ఉండి తగిన జాగ్రత్తలు తీసుకోవాలని అధికారులు సూచించారు.