గిద్దలూరు: శివాలయంలో కార్తీక శోభ

ప్రకాశం జిల్లా, గిద్దలూరు పట్టణంలోని శ్రీ పాతాళ నాగేశ్వర స్వామి దేవస్థానంలో సోమవారం కార్తీక శోభ నెలకొంది. తెల్లవారుజాము నుంచి భక్తులు శివాలయానికి భారీగా తరలివచ్చారు. ఆలయ ప్రాంగణంలో దీపాలు వెలిగించి శ్రీ పాతాళ నాగేశ్వరరావు స్వామి వారిని దర్శించుకుని ప్రత్యేక పూజలు నిర్వహించారు. అర్చకులు రుద్రాభిషేకం, రుద్రహోమాలు నిర్వహించినట్లుగా తెలిపారు. అర్చకులు అందించిన తీర్థ ప్రసాదాలను భక్తులు స్వీకరించారు.