ముండ్లమూరు: గుర్తు తెలియని వాహనం ఢీకొనడంతో జింక మృతి

గుర్తు తెలియని వాహనం ఢీకొనటంతో ఓ జింక మృతి చెందింది. ఈ సంఘటన ముండ్లమూరు మండలంలోని పోలవరం - వేంపాడు గ్రామాల మధ్యలో శుక్రవారం చోటు చేసుకున్నది. సమాచారం అందుకున్న ఫారెస్ట్ అధికారులు జింక మృతదేహాన్ని స్థానిక పశు వైద్యశాలకు తరలించారు. ప్రభుత్వ నిబంధనల ప్రకారం జింకకు దహన కార్యక్రమం నిర్వహించారు. ఈ కార్యక్రమంలో ఫారెస్ట్ అధికారులు నరసింహారావు, బీట్ ఆఫీసర్ అమర, ప్రభుత్వ వైద్యాధికారి పాల్గొన్నారు.