మక్కువ: ఏకలవ్య ఆదర్శ పాఠశాలను ఆకస్మిక తనిఖీ చేసిన పీఓ
మన్యం జిల్లా మక్కువ మండలం అనసభద్రలోని ఏకలవ్య ఆదర్శ వసతి పాఠశాలను పార్వతీపురం ఐటిడిఎ ప్రాజెక్ట్ అధికారి అశుతోష్ శ్రీవాస్తవ గురువారం ఆకస్మిక తనిఖీ చేశారు. నిర్మాణ దశలో ఉన్న పనులను పరిశీలించి, పనులు త్వరగా చేయాలని ఇంజినీరింగ్ అధికారులును ఆదేశించారు. వంట గదిని తనిఖీ చేసి, ఆహార నాణ్యత ప్రమాణాలను పరిశీలించారు. ఈ సందర్భంగా విద్యా ప్రమాణాలను విద్యార్థులను అడిగి తెలుసుకున్నారు.
