నరసరావుపేట: అదుపుతప్పిన పిల్లల స్కూల్ బస్సు

ప్రైవేటు స్కూల్‌ బస్సు అదుపుతప్పి పక్కనే ఉన్న పొలంవైపు దూసుకెళ్లిన సంఘటన మండలంలోని తుంగపాడు గ్రామ సమీపంలో శనివారం చోటుచేసుకుంది. గ్రామస్తుల కథనం ప్రకారం. బస్సు గ్రామంలోని 20 మంది స్కూల్‌ పిల్లలతో సాయంత్రం నరసరావుపేటకు బయలు దేరింది. గ్రామం విడిచి కొద్ది దూరం రాగానే స్టీరింగ్‌ రాడ్‌ విరిగి పోవటంతో అదుపు తప్పి రోడ్డు మార్జిన్‌లోకి దూసుకుపోయింది. బస్సులోని స్కూల్‌ పిల్లలందరూ క్షేమంగా ఉండటంతో గ్రామస్తులు ఊపిరి పీల్చుకున్నారు.