చిన్న తుంబలంలో పోలిసుల పల్లె నిద్ర

పెద్దకడబూరు మండల పరిధి చిన్న తుంబలం గ్రామంలో ఆదివారం రాత్రి పోలీసులు పల్లెనిద్ర కార్యక్రమం నిర్వహించారు. గ్రామంలో సమస్యల గురించి ప్రజలను అడిగి తెలుసుకున్న సిఐ మంజునాథ్, ఎస్సై నిరంజన్ రెడ్డి గ్రామాల్లో శాంతియుతంగా పనులు చేసుకోవాలని సూచించారు. కక్షపూరితంగా గొడవలు సృష్టించుకుంటే క్రిమినల్ కేసు నమోదు చేస్తామన్నారు. ఈ కార్యక్రమంలో పెద్దకడబూరు ఎస్సై నిరంజన్ రెడ్డి, ఏఎస్సై శివరాం ఇతర సిబ్బంది పాల్గొన్నారు.