ఆదోని: శివాలయానికి దగ్గరగా మద్యం దుకాణం వద్దు

ఆదోనిలోని ప్రభాకర్ టాకీస్ రోడ్డు శివాలయం సమీపంలో వైన్ షాప్ ఏర్పాటు చేయొద్దంటూ స్థానికులు వాపోతున్నారు. బుధవారం మున్సిపల్ ఛైర్పర్సన్ శాంతాకు వినతి పత్రం ఇచ్చారు. స్థానికంగా ఉన్న శివాలయానికి మహిళలు వస్తారని, మద్యం దుకాణం ఏర్పాటు చేస్తే అకతాయిలు వికృత చేష్టలతో ఇబ్బందులు పెట్టే అవకాశం ఉందని తెలిపారు. అధికారులు చర్యలు తీసుకోకపోతే ఆందోళన చేస్తామన్నారు.