పత్తికొండ: అప్పుల బాధతో రైతు ఆత్మహత్య

వెల్దుర్తి మండలం సర్పరాజపురంకు చెందిన బోయ మనోహర్ (45) అనే రైతు అప్పుల బాధతో సోమవారం పురుగుమందు తాగి ఆత్మహత్యకు పాల్పడ్డాడు. ఘటనపై ఎస్సై ఆశోక్ మాట్లాడారు. గ్రామానికి చెందిన బోయ మనోహర్, పొలం పెట్టుబడుల కోసం సొసైటీలో లోన్ తో పాటు ప్రైవేట్ వ్యక్తుల వద్ద దాదాపుగా రూ. 9 లక్షల వరకు అప్పులు చేశాడు. పంటలు అంతంత మాత్రంగానే ఉండటంతో అప్పులు తీర్చే మార్గం లేక పొలంలోనే పురుగుమందు తాగి ఆత్మహత్యకు పాల్పడ్డాడు.