త్యాగానికి ప్రతీక బక్రీద్

ముస్తాబాద లో ఘనంగా బక్రీద్ వేడుకలు ఘనంగా జరిగాయి. త్యాగానికి ప్రతీక బక్రీద్ అని ముస్తాబాద్ జామియా మస్జిద్ ఇమామ్ హఫీజ్ హసీన్ ఇక్బాల్ ముస్తాబాద్ ఈద్గా లో జరిగిన బక్రీద్ ప్రత్యేక ప్రార్థన సందర్భంగా సందేశం ఇచ్చారు. ఆయన తన సందేశంలో అల్లా ఆదేశానుసారం ఇస్మాయిల్ తన కుమారుడు ఇబ్రహీం ను బలి ఇవ్వడానికి సిద్ధపడటం జరిగిందని ఆ రోజు నుండి ఇప్పటివరకు కూడా బక్రీద్ పండుగ రోజు కుర్బానీ ఇచ్చి ఆ మాంసాన్ని పేదలకు పంచే ఆచారం వచ్చిందని తెలియజేశారు. ప్రతి ఒక్కరూ తమ జీవితకాలంలో కనీసం ఒక్కసారైనా హజ్ యాత్ర చేయాలని తెలియజేశారు. ఈద్గా వద్ద ఏర్పాట్లను జామియా మజీద్ కమిటీ సభ్యులు పర్యవేక్షించారు.