ఒక్కసారైనా మక్కా యాత్ర చేయాలి

ప్రతి ముస్లిం తన జీవితకాలంలో కనీసం ఒక్కసారైనా మక్కా యాత్ర చేయాలని ముస్తాబద జామియా మస్జిద్ ఇమామ్ హఫీజ్ హసీన్ ఇక్బాల్ పిలుపునిచ్చారు. ముస్తాబాద్ గ్రామానికి చెందిన మహమ్మద్ ఉమర్, మైమున్నిస దంపతులు శనివారం హజ్ యాత్రకు బయలుదేరి వెళుతున్న సందర్భంగా ముస్తాబాద్ జామియా మస్జిద్ నందు ఈరోజు ఉదయం ప్రార్థనల అనంతరం జామియా మస్జిద్ కమిటీ ఆధ్వర్యంలో వారిని ఘనంగా సత్కరించడం జరిగింది.

ఈ సందర్భంగా ఆయన మాట్లాడుతూ ముస్లింలు ఖచ్చితంగా ఆచరించవలసిన నియమాలలో మక్కా యాత్ర కూడా ఒకటని కనుక ప్రతి ఒక్క ముస్లిం తన జీవిత కాలంలో ఒకసారి మక్కాయాత్ర చేయాలని అందుకు అల్లా అందరికీ సహకరించాలని కోరారు. రాష్ట్ర హజ్ కమిటీ ఆధ్వర్యంలో40 రోజులపాటు జరిగే యాత్ర అన్ని ఏర్పాట్లు పూర్తి చేశారని , వారి ఈ 40 రోజుల మక్కా మరియు మదిన నగరాల యాత్ర విజయవంతం కావాలని ఎటువంటి ఆటంకం లేకుండా తిరిగి స్వగ్రామానికి చేరాలని ఆయన కోరారు. కార్యక్రమంలో జామియా మస్జిద్ కమిటీ సభ్యులు, గ్రామ పెద్దలు పాల్గొన్నారు.