కొత్తపేట: మద్యం దుకాణాన్ని వేరే చోటుకు తరలించాలి

కొత్తపేట సుబ్బరాజు కళ్యాణమండపం సమీపంలో ఉన్న మద్యం దుకాణాన్ని వేరే చోటుకు తరలించాలని స్థానికులు కోరుతున్నారు. మద్యం దుకాణాల కేటాయింపుకు సంబంధించి సోమవారం డ్రా తీయనున్న నేపథ్యంలో కొత్తగా మంజూరయ్యే షాపును వేరే చోటికి తరలించాలని విజ్ఞప్తి చేస్తున్నారు. బడికి, గుడికి 100 మీటర్ల లోపు మద్యం షాపు ఉండకూడదనేది ప్రభుత్వ నిబంధన. ఈ షాపుకు వెనుక 50 అడుగుల దూరంలో శివాలయం ఉండగా, 100 అడుగుల దూరంలో గ్రంథాలయం ఉంది.