గండేపల్లి: మురారి పుష్కర కాలువలో గుర్తు తెలియని మృతదేహం

మురారి గ్రామంలోని పుష్కరకాలువలో గుర్తుతెలియని వ్యక్తి మృతదేహాన్ని బుధవారం స్వాధీనం చేసుకున్నట్లు గండేపల్లి ఎస్ఐ శివ నాగబాబు తెలిపారు. దాదాపు 30 నుంచి 35 సంవత్సరాల వయసున్న మతిస్థిమితం లేని వ్యక్తి కొన్ని రోజులుగా గ్రామ శివారులో తిరుగుతూ పుష్కర కాలువలో పడి మృతి చెందినట్లు భావిస్తున్నామన్నారు. మృతదేహంపై నాచురంగు డ్రాయర్, సిమెంట్ రంగు బనియన్, కుడిచేతి పై శ్రీరామ్ పేరుతో పచ్చబొట్టు ఉందని వివరించారు.