పులివెందులలో ప్రారంభమైన కార్తీక మాస పూజలు

కార్తీక మాస పూజలు శనివారం నుంచి ప్రారంభం కావడంతో పులివెందుల పట్టణంలోని మల్లేశ్వరస్వామి ఆలయం, మండల పరిధిలోని నామాలగుండు సిద్ద లింగేశ్వర స్వామి ఆలయాలతో పాటు అన్ని శైవ క్షేత్రాలలో భక్తులు ప్రత్యేక పూజలు నిర్వహించారు. కార్తీక మాసాన్ని పురస్కరించుకుని భక్తులు పరమశివుడిని దర్శించుకుని బిల్వార్చన, రుద్రాభిషేకాలు నిర్వహించారు. అలాగే అయ్యప్ప భక్తులు, శివ భక్తులు శివాలయాలకు చేరుకుని ప్రత్యేక పూజలు చేశారు.