బి కోడూరు: ఘనంగా కార్తీక మాస పూజలు

బి. కోడూరు మండలంలోని మేకవారిపల్లి శివాలయంలో సోమవారం సాయంత్రం కార్తీకమాస పూజలు ఘనంగా ప్రారంభమయ్యాయి. మేకవారిపల్లి శివాలయంలో ఆలయం అర్చకులు ఆధ్వర్యంలో తెల్లవారుజామున నుంచే అర్చనలు, అభిషేకాలు నిర్వహించారు. వివిధ ప్రాంతాల నుంచి భక్తులు అధిక సంఖ్యలో హాజరై స్వామివారిని దర్శించుకున్నారు. ఆలయ కమిటీ ప్రతినిధుల ఆధ్వర్యంలో భక్తులకు తీర్థప్రసాదాలు అందజేశారు.