వర్షపునీరు నిల్వలేకుండా చర్యలు చేపట్టండి: కమిషనర్ రమేష్ బాబు

పొన్నూరు పురపాలక సంఘంలో గురువారం మున్సిపల్ కమిషనర్ రమేష్ బాబు పలు వార్డుల్లో పర్యటించారు. అకాల వర్షాలకు వార్డుల్లో వర్షపు నీరు నిల్వ ఉండి ప్రజలు రోగాల బారిన పడతారని తక్షణమే వాటిని తొలగించాలని సిబ్బందిని ఆదేశించారు. కాలువల్లో సిల్డ్ తొలగించి బ్లీచింగ్ సున్నం చల్లాలని సూచించారు. వీధి వ్యాపారులు మున్సిపల్ సిబ్బందికి సహకరించాలని కోరారు. శానిటరీ ఇన్స్పెక్టర్ శ్రీనివాస్, వార్డు సచివాలయ సిబ్బంది పాల్గొన్నారు.