మున్సిపల్ కార్మికుల సమస్యలను పరిష్కరించాలి

స్థానిక మున్సిపల్ కార్మికుల సమస్యలు పరిష్కరించాలని కోరుతూ సిఐటియు ఆధ్వర్యంలో పిడుగురాళ్ల పట్టణ మున్సిపల్ కార్యాలయం వద్ద సోమవారం పారిశుద్ధ్య కార్మికులు ధర్నా చేపట్టారు. సమస్యలతో కూడిన వినతి పత్రాన్ని కమిషనర్ పర్వతనేని శ్రీధర్ కి అందజేశారు. పెరిగిన పట్టణీకరణకు అనుగుణంగా కార్మికుల సంఖ్య పెంచాలని, చనిపోయిన కార్మికులకు పరిహారం వెంటనే చెల్లించి, పనిముట్లు,హెల్త్ అలవెన్స్ , పెండింగ్ జీతాలు ఇవ్వాలని డిమాండ్ చేశారు.