రైతు సేవా కేంద్రాల వద్ద వరి పంట నష్టం జాబితాలు

పోలవరంలో భారీ వర్షాలు, వరదలకు దెబ్బతిన్న వరి పంట నష్టం వివరాల జాబితాలు రైతు సేవా కేంద్రాల వద్ద అందుబాటులో ఉంచినట్లు వ్యవసాయశాఖ అధికారి కె. రాంబాబు గురువారం చెప్పారు. పోలవరం, పట్టిసీమ, ప్రగడపల్లి పంచాయతీల పరిధిలో 159 మంది రైతులకు సంబంధించి 272 ఎకరాల్లోని వరి పంటకు నష్టం వాటిల్లిందన్నారు. దీనిపై అభ్యంతరాలుంటే తమకు తెలియజేయాలని విజ్ఞప్తి చేశారు.