పెదవేగి: భారీగా మద్యం బాటిళ్ళు పట్టివేత

పెదవేగి మండలం కొప్పులవారిగూడెంలో సోమవారం ఎక్సైజ్ శాఖ ప్రత్యేక బృందం దాడులు నిర్వహించారు. ఈ దాడుల్లో ముసునూరి నరేష్ అనే వ్యక్తిని అదుపులోకి తీసుకున్నారు. అనంతరం అతని వద్ద నుండి 875 లిక్కర్ బాటిళ్లు స్వాధీనం చేసుకున్నారు. ఈ మద్యం బాటిళ్లు పెదవేగి మండలం వేగివాడ గ్రామానికి చెందిన సాయి బాలాజీ వైన్స్ నుండి కొనుగోలు చేసి, బెల్ట్ నిర్వహిస్తున్నట్లు ఎక్సైజ్ శాఖ అధికారులు తెలిపారు.