గండేపల్లిలో నలుగురు పేకాట రాయుళ్లు అరెస్టు

జగ్గంపేట సీఐ శ్రీనివాస్ కు వచ్చిన ముందస్తు సమాచారం మేరకు మంగళవారం ఎల్లమెల్లి గ్రామ శివారు ప్రాంతంలో పేకాట ఆడుతున్న నలుగురు వ్యక్తులను పోలీసులు అదుపులోకి తీసుకున్నారు. ఈ నేపథ్యంలో వారి వద్ద నుంచి రూ. 32, 300 నగదుతోపాటు 52 పేక ముక్కలను స్వాధీనం చేసుకుని కేసు నమోదు చేశామని గండేపల్లి ఎస్ఐ శివ నాగబాబు తెలిపారు. ఈ సందర్భంగా ఆయన మాట్లాడుతూ జూదక్రీడల జోలికి పోయి యువత జీవితాలు నాశనం చేసుకోవద్దని హెచ్చరించారు.