కొరిశపాడు: ఓటరు క్యాంపులను సద్వినియోగం చేసుకోవాలి

కొరిశపాడు మండలంలో ఈ నెల 9, 10 వ తేదీలలో ప్రత్యేక ఓటరు క్యాంపులు నిర్వహిస్తున్నట్లు తహసిల్దార్ సుబ్బారెడ్డి బుధవారం తెలియజేశారు. 44 పోలింగ్ కేంద్రాలలో ఓటరు క్యాంపులు నిర్వహించబడతాయని ఆయన చెప్పారు. కొత్తగా ఓట్లు నమోదు చేసుకునేవారు, సవరణలు చేసుకునేవారు ఈ అవకాశాన్ని సద్వినియోగం చేసుకోవాలని తహసిల్దార్ సుబ్బారెడ్డి కోరారు. ఉదయం 10 గంటల నుంచి సాయంత్రం 5 గంటల వరకు ఈ క్యాంపులు నిర్వహించబడతాయని తెలిపారు.