విద్యుత్ స్తంభం పైనుంచి పడి వ్యక్తికి తీవ్ర గాయాలు

విద్యుత్ స్తంభం పైనుంచి పడి వ్యక్తి తీవ్రంగా గాయపడ్డ ఘటన గురువారం తంబళ్లపల్లె మండలంలో జరిగిందని ఎస్ఐ లోకేష్ రెడ్డి తెలిపారు. మండలంలోని ఇట్నేటివారిపల్లెకు చెందిన డి. ఈశ్వరయ్య (50), శ్రీ భ్రమరాంబ మల్లికార్జునస్వామి వారి ఆలయంలో తోటమాలిగా పనిచేస్తాడు. ఆలయంలోకి విద్యుత్ సరఫరా సక్రమంగా రాకపోవడంతో విద్యుత్ స్తంభం ఎక్కి వైర్లకు మరమ్మతు చేస్తుండగా, కరెంట్ షాక్ కొట్టి పోలుపై నుంచి పడి తీవ్రంగా గాయపడ్డాడు.