బి. కోడూరు: నిమ్మ చెట్లను, షెడ్డును కూల్చివేసిన దుండగులు

బి. కోడూరు మండలం తంగేడు పల్లెకి చెందిన వెంకటసుబ్బయ్య అనే రైతు పొలంలో బుధవారం రాత్రి కొందరు వ్యక్తులు జేసీబీలతో నిమ్మ, జామ చెట్లను, రూ. 8లక్షల విలువ చేసే రేకుల షెడ్డును దౌర్జన్యంగా కూల్చివేశారని గురువారం రైతు ఆవేదన వ్యక్తం చేశారు. 40 మంది వ్యక్తులు వచ్చి దాడి చేశారని ఆయన ఆరోపించారు. స్థానికుల వివరాల ప్రకారం ఈ ఘర్షణ టీడీపీ, వైసీపీ మధ్య జరిగినట్లు సమాచారం. పోలీస్ స్టేషన్లో ఫిర్యాదు చేశామని బాధితుడు తెలిపారు.