సత్యసాయి ట్రస్ట్ కు వైయస్సార్ లైఫ్ టైం అచీవ్మెంట్ అవార్డు

అనంతపురం జిల్లాలో విద్య వైద్యం, తాగునీరు పేదలకు అందిస్తూ ఆరు దశాబ్దాలుగా ఎనలేని సేవలు అందిస్తున్న సత్యసాయి ట్రస్ట్ కు వైయస్సార్ లైఫ్ టైం అచీవ్మెంట్ అవార్డు దక్కింది. ప్రపంచ వ్యాప్తంగా సుమారు 114 దేశాల్లో సత్యసాయి సెంట్రల్ ట్రస్ట్ సేవలు అందిస్తుండగా 1200 కేంద్రాలు ఆయా దేశాల్లో పని చేస్తున్నాయి. దేశవిదేశాల్లో ట్రస్ట్ పెద్ద సంఖ్యలో విద్యాసంస్థలు ఆసుపత్రిలో ఏర్పాటు చేసింది. రోగుల నుంచి ఒక్క రూపాయి కూడా డబ్బు తీసుకోకుండా సేవలందిస్తోంది.

నిర్వహణ కోసం ఎక్కడా నిధులు సేకరించడం లేదు. అనంతపురం జిల్లా తో పాటు రాష్ట్రాల్లో తాగునీటి సదుపాయం కల్పించింది. ఈ సేవలను గుర్తించిన రాష్ట్రప్రభుత్వం వైయస్సార్ లైఫ్ టైం అచీవ్ మెంట్ అవార్డును ప్రదానం చేసింది. సత్యసాయి సెంట్రల్ ట్రస్ట్ మేనేజింగ్ ట్రస్టీ ఆర్ జె రత్నాకర్ గవర్నర్ బిశ్వభూషణ్ హరిచందన్ చేతుల మీదుగా అవార్డును అందుకున్నారు.