పోలీసు అమరవీరుల త్యాగాలు మరువలేనివి

అనంతపురం జిల్లా పుట్టపర్తి శాంతి భద్రతల పర్యవేక్షణ లో అమర వీరులైన పోలీసు త్యాగాలు మరువలేనివని సిఐ బాలసుబ్రహ్మణ్యం రెడ్డి తెలిపారు. ఆదివారం పోలీసు అమరవీరుల సంస్మరణ దినోత్సవం సందర్భంగా పట్టణంలో హనుమాన్ సర్కిల్ నుంచి బస్టాండ్ వరకు కళాశాల విద్యార్థులు, పోలీసు సిబ్బంది ర్యాలీ నిర్వహించారు. ఈ సందర్భంగా సిఐ మాట్లాడుతూ, దేశ ఐక్యత కోసం ప్రతి ఒక్కరు కృషి చేయాలన్నారు. దేశ సమైక్యత, రక్షణ ధ్యేయంగా యువత ముందుకు రావాలన్నారు. భిన్న మతాలు, కులాలు వేరైనా మనమంతా భారతీయులం అన్నారు. ఈ కార్యక్రమంలో యస్ ఐ వెంకటరమణ కళాశాల విద్యార్థులు పాల్గొన్నారు.