కదిరిలో అంతరాష్ట్ర ద్విచక్ర వాహనాల దొంగ అరెస్టు

అనంతపురం జిల్లా అంతర్రాష్ట్ర దొంగను కదిరి రూరల్ పి. ఎస్ పోలీసులు అరెస్టు చేశారు. వీరి నుండీ రూ. 12 లక్షల విలువ చేసే 18 ద్విచక్ర వాహనాలు స్వాధీనం చేసుకున్నారు. శుక్రవారం కదిరి డీఎస్పీ భవ్యకిశోర్ మీడియాసమావేశం నిర్వహించారు.

జిల్లా ఎస్పీ సత్య ఏసుబాబు ఆదేశాలుతో కదిరి డీఎస్పీ భవ్య కిశోర్ పర్యవేక్షణలో రాబడిన సమాచారం మేరకు కదిరి రూరల్ పి. ఎస్ ఇన్స్పెక్టర్ జి. నిరంజన రెడ్డి, వారి సిబ్బంది కుమ్మరవాండ్లపల్లి లోని రైల్వే బ్రిడ్జి వద్ద ఇతనిని అరెస్టు చేశారు. అనంతపురం, ధర్మవరం, గోరంట్ల, గాలివీడు మరియు కర్నాటకలోని వివిధ ప్రాంతాలలో దొంగతనాలు చేయబడిన సుమారు రూ. 12 లక్షల విలువ గల 18 ద్విచక్ర వాహనాలను స్వాధీనం చేసుకున్నారు. మిగితా ఇద్దరు నిందితులు అరెస్టు కావాల్సి ఉంది. ద్విచక్ర వాహనాల దొంగను చాకచక్యంగా అరెస్ట్ చేసిన కదిరి డీఎస్పీ భవ్య కిశోర్ పర్యవేక్షణలో కదిరి రూరల్ పి. ఎస్ ఇన్స్పెక్టర్ జి. నిరంజన రెడ్డి మరియు వారి సిబ్బందిని జిల్లా ఎస్పీ శ్రీ భూసారపు సత్య ఏసుబాబు అభినందించారు.