గుత్తి: బైక్ ను ఢీకొన్న ఐచర్ వాహనం.. యువకునికి తీవ్ర గాయాలు

గుత్తి మండలం ఎంగిలి బండ గ్రామ సమీపంలో 67వ జాతీయ రహదారిపై ఆదివారం రోడ్డు ప్రమాదం చోటు చేసుకుంది. ఈ ఘటనలో బైక్ ను ఐచర్ వాహనం ఢీకొనడంతో బైక్ ను డ్రైవ్ చేస్తున్న రాజేంద్ర అలియాస్ చిట్టి అనే యువకుడు తీవ్రంగా గాయపడ్డాడు. స్థానికులు గమనించి గుత్తి ప్రభుత్వ ఆసుపత్రికి తరలించారు. అనంతరం మెరుగైన వైద్యం కొరకు అనంతపురం రెఫర్ చేశారు. పోలీసులు దర్యాప్తు చేపట్టారు.